طفلة وراء تكريم ”فيفى عبده” كأم مثالية

فجرت صفحة فتيات ثائرات قنبلة من العيار الثقيل بشأن تكريم الراقصة فيفى عبده حيث سرد القائمين على الصفحة تحت عنوان الحقيقة الكاملة لتكريم فيفى عبده فقالوا بالنسبة لموضوع فوز فيفي عبده بجائزة الأم المثاليه في نادي الطيران ..الفيس بوك كله اتريق وجاب صور لفيفى وعمل كومنتات كتير لكن محدش قدر يعرف حقيقة التكريم.

الحكاية ان الفنانة تحية كاريوكا الله يرحمها كانت تبنت طفلة صغيره قبل وافتها بسنوات قليله وهي على فراش الموت طلبت من فيفي عبده انها تخلي بالها من البنت دي ..فراحت فيفى  خدتها مع بناتها الصغيرين واعتبرتها بنتها وربتها ودخلتها احسن مدارس . لغاية لما البنت دي كبرت و هي اللي طلبت تكريمها في النادي ..النادى الى هما اعضاء فيه وبيدفعوا فلوس اشتراكه .كل سنة من جيبهم ..والى بيكرم أمهات الاعضاء كل عام بمناسبة عيد الام فى حفلة بداخل النادى
طبيعى ان البنت دى تشوف فيفى عبده أحسن واحدة فى الدنيا واحسن ام .
بصرف النظر عن اننا كفتيات شايفين ان في امهات تستحق التكريم اكتر منها بكتير بس ده مالوش علاقة بكمية التريقة والكوميكس والتشريد والهرى الى حصل
نقول تانى عشان المزايدات ايوه في امهات احق منها بالتكريم 100 مره بس برضه احنا جرحنا فيها من غير لازمه .