شاهد آخر تفسيرات سبايدر لتويتة أبلة فاهيتا

قال أحمد سبايدر، مقدم البلاغ ضد إعلان الشخصية الكارتونية «أبلة فاهيتا»، إنه اكتشف شفرة جديدة لـ«فاهيتا» تحرض فيها على تفجير المدارس والجامعات.

وكتب «سبايدر» على صفحته الشخصية على موقع التواصل الاجتماعي «فيس بوك»: «هفسرلكم مفاتيح الشفرة.. ميس فابولينا هي عازفة الكمان وتعنى هنا جهاز الاستخبارات اللى ورا (فاهيتا) اللى بيعزف، يعني اللي بيخطط لعملاء المنظمة وبيحددلهم الأهداف اللى يستهدفوها. كركورة يعني كل عملاء المنظمة على الأرض اللى بينفذوا لها خططها الإرهابية في مصر».

وأضاف: «تنشز في الرعشة يعني عشوائية في التفجيرات، وتربية وترية يعني تعليم وتربية الاستهداف الصحيح في الوقت الصحيح لأهداف محددة وأيضا استهداف المدارس والجامعات الفترة القادمة».

وتابع: «ترجمة الشفرة بالكامل بعد ماترجمتلكم مفاتيح الشفرة: المنظمة الاستخباراتية اللى بتحط الخطط بتشتكى أن العملاء مابينفذوش التفجيرات في الوقت الصحيح ولا بيستهدفوا أهداف مؤثرة والمنظمة بتشتكى من عملائها اللى هي بتدفعلهم وبتدعمهم، ماديا ومعنويا عالفاضى ومفيش تفجيرات في الفترة الأخيرة مؤثرة، وده يفهمكم أن قوات الأمن المصرية بدأت تفوقلهم جامد، ومنعت تفجيرات كتير في الفترة اللى فاتت ومنها تفجيرات يوم 24 اللى فات اللى كانوا بيجهزوله بكل قوة».