أحمد العطار : ألبومي قريب جدا وإنتظروا المفاجأة

كتبت منه مجديفنان شاب موهوب لديه موهبه فنيه كبيره وصوت ملائكي, إستطاع خلال فتره قصيره انه يحتل مكانه كبيره بين قلوب الشباب هو الفنان احمد العطار وهو ابن الفنان الكبير ماهر العطاراحمد ايه اخر اخبار ألبومك الجديد ؟انا ناوي اني انزله ان شاء الله علي رأس السنه إذا قدرنا نخلصه في الميعاد ده .من هم الملحنين والشعراء الذين تم التعاون معهم في الألبوم؟بالنسبه للملحنين اللي انا اتعاونت معاهم عمرو مصطفي ومحمد يحي وكريم الحميدي مذيع الاف ام- ومن الشباب مصطفي اصيل , وانا الحقيقه كنت مركز ان يكون معايا في الألبوم ناس جديده لإني حابب اني اقدم شكل ولون مختلف من الكلمات والألحان .وبالنسبه للشعراء اللي اتعاونت معاهم هاني عبد الكريم ومحمد عاطف واخويا وصديقي كريم اسامه وبالمناسبه هو كاتبلي 3 اغاني .احنا كنا سمعنا ان هايكون من ضمن اغاني الالبوم اغنيه ديو , ياريت نعرف عنها تفاصيل اكتر, وهاتكون مع مين؟هو فعلا هايكون في اغنيه ديو اسمها خدني خاطر هي اغنيه بتتكلم عن الام ومن كلمات كريم اسامه والحان مصطفي اصيل وتوزيع احمد سحاب وهاتكون مع مطربه جديده من الاوبرا اسمها مروه الصباحي وهي الحقيقه مطربه جميله جدا وصوتها قوي .ياتري ايه هي المفاجاه اللي كنت محضرها لجمهورك؟والمفاجأة اللي كنت محضرها لكل معجبيني اني هاعمل اغنيه من الحاني انا وكريم الحميدي علي راس السنه ان شاء الله .كنت عاوز توجه شكر لمين من الاشخاص اللي اشتغلوا معاك في الالبوم؟انا الحقيقه كنت حابب اوجه الشكر بجد لاكتر واحد تعب معايا فى الالبوم وهو من اعز اصحابى مش بس مجرد فنان وهو انسان موهوب بمعنى الكلمه واخ ليا فى كل شىء هو كريم اسامه هو اصلا ممثل بس بيكتبلى اغانى واحساسه حلو جدا هتشوفى بنفسك فى الالبوم, وطبعا اشكر حسام فاروق مدير اعمالى.وكنت عاوز اقول لكل الفانز بتوعي علي الفيس بوك اني هكون متواصل دايما مع الناس وهكلمهم بنفسى علشان اكون متواجد معاهم بإستمرار من غير ولا مدير اعمال ولا اى حد والناس حست بده وحبته جدا مشاء الله.انا بشكرك اوي يا احمد علي الحوار الجميل وبجد كان ممتع جدا.وانا كمان بشكرك جدا