غادة عبد الرازق تكشف عن معاناتها مع التوتر والخوف: «بقيت حساسة زيادة عن اللزوم ودمعتي قريبة»

تحدثت الفنانة غادة عبد الرازق عن طبيعة مشاعرها خلال الفترة الأخيرة، موضحة أنها أصبحت أكثر حساسية وتأثرًا بالكلمات والمواقف، وأن دمعتها باتت قريبة، بعدما كانت في السابق أكثر قدرة على التحكم في مشاعرها.

وقالت غادة عبد الرازق خلال تصريحات تليفزيونية: «أنا حساسة جدًا في الكلام وممكن دمعتي تبقى قريبة، وبقالي فترة بقيت حساسة زيادة عن اللزوم، وأنا مكنتش كدة وكنت بعمل كنترول، وبمجرد السؤال حسيت عاوزة أعيط».

وكشفت غادة عبد الرازق أنها تمر خلال الفترة الأخيرة بحالة من التوتر والخوف وكثرة التفكير، موضحة: «بقى عندي حساسية وتوتر وخوف وتفكير متواصل مش عارفة أوقفه، وعدم استمتاع باللحظة».

وأشارت إلى أنها كانت تعتقد أن بعض هذه المشاعر ستتراجع مع التقدم في العمر، إلا أنها فوجئت بحدوث العكس، قائلة: «حاجات كنت ممكن تتخيل لما تكبر في السن هتتشال وطلع العكس، كل ما بتكبر بيزيد مش بيقل».

وتطرقت الفنانة إلى محاولاتها المستمرة للوصول إلى حالة من الهدوء والراحة النفسية، قائلة: «ببقى نفسي أسأل الناس خريطة بالك وراحتك إزاي، وأكيد هيقولي الإيمان، وأنا عندي ده، ولكن ساعات الحتة دي بتهرب مني وبرجع ليها بسرعة».