”خسر مصر كلها”.. هجوم ناري من خالد بيومي على عبد الله السعيد بعد أزمته مع الزمالك

هاجم خالد بيومى، المحلل الرياضى، عبدالله السعيد صانع ألعاب الفريق الأول لكرة القدم بنادي الزمالك، بسبب رفضه الانتظام فى معسكر الفريق.

وقال خالد بيومى، فى فيديو عبر صفحته على «فيس بوك»: كنت أتمنى إن عبدالله السعيد، فى نهاية مشواره الكروى يكون أكثر عقلانية، عبدالله خسر كل جماهير مصر، خسر جمهور الإسماعيلى بالانتقال إلى الأهلى، خسر جمهور الأهلى بتوقيعه للزمالك، كسب جمهور الزمالك ولكن خسره فى الأخر.

وأضاف: ممكن تكسب ماديًا، ممكن تكون أعظم لاعب فى العالم، لكن عشان تخسر كل جماهير مصر دى النقطة السلبية.

وأكمل: ممكن يكون مش فارق مع عبدالله، لأنه مش بيظهر إعلاميًا وممكن يكون مش متأثر كتير بخسران الجمهور وعدم تفاعل الجمهور معاه، لكن احنا فى مصر وفى الوطن العربى مش بنعيش من غير جمهور.

وواصل: انت بتكسب ماديًا وبتكسب على المستوى الفنى كل شيء ولكن وجهة نظرى الشخصية لم تتعامل مع نادى تعامل معاك بإحترافية حتى لو كان لك فلوس كان ممكن تسويه الأمر مع نادى احترمك كتير وقدرك.

وأتم: عبدالله خانه التوفيق حتى لو كان أفضل لاعب فى العالم حتى لو كان المقابل المادى كبير لكن إنك تخسر جمهور مصر دى أكبر مشكلة هتقابل لعيب سواء بيلعب أو معتزل.