مؤسس «أمهات مصر» لـ طلاب الثانوية: «الكيمياء مش بعبع.. اعملوا اللي عليكم والباقي علي ربنا»

قالت عبير أحمد، مؤسس اتحاد أمهات مصر للنهوض بالتعليم وائتلاف أولياء الأمور، إن طلاب الثانوية العامة يؤدون امتحان مادتي الكيمياء والجغرافيا الخميس المقبل، في ثاني أيام امتحانات المواد الأساسية المضافة للمجموع.

وأضافت في تصريحات صحفية، أنها علي تواصل دائم مع أولياء أمور طلاب الثانوية العامة وتلقي ملاحظاتهم علي صفحة الاتحاد في الفيسبوك، لافتة إلى حالة الطواريء داخل الأسر طوال فترة الامتحانات، مشددة علي ضرورة تهيئة المناخ الملائم لأبنائهم وتلبية كافة احتياجاتهم، حتي يستطيع الطلاب التركيز في جو من الهدوء.

وأكدت مؤسس اتحاد أمهات مصر، علي ضرورة تشجيع الطلاب علي مراجعة المنهج بشكل منظم ما بين النوم ووقت المراجعة، بالإضافة إلي الأكل الصحي والمشروبات المفيدة، مستطردة: "الكيمياء مش بعبع، وهي مادة مثل باقي مواد الثانوية العامة، والأهم المراجعة الجيدة والتركيز، واتركوا الباقي علي ربنا"، متمنية التوفيق لجميع الطلاب.

وتفاعل عدد من أولياء أمور طلاب الثانوية العامة، علي صفحة اتحاد أمهات مصر للنهوض بالتعليم، في الفيسبوك، حيث قالت ولي أمر: "ياجماعة، دور الأمهات دلوقتي مهم جدا نشجع الولاد مانخليهمش يحبطوا ويستسلموا من أول السباق، لازم نكون دافع ليهم لحد آخر يوم ونحفزهم، اللي اتعمل في العربي خلاص عودوهم مايراجعوش بعد الامتحان، يخلصوا الامتحان يبصوا علي اللي بعده وكل مايشوفوا الأم هاديه ومتماسكة ده ينعكس عليهم".

ومن المقرر أن يؤدي طلاب الثانوية العامة بنظاميها الجديد والقديم يوم الخميس الموافق 2 يوليو 2026 الامتحان فى مادة الكيمياء لشعبة العلوم والرياضيات، وامتحان مادة الجغرافيا للشعبة الأدبية، بينما يؤدى طلاب مدارس (المكفوفين) الامتحان في مادة اللغة الأجنبية الأولى (ورقة أولى).