مش مضطر أعمل حاجة بتتبعتلى.. لهذا السبب تصريح لرامى صبرى يثير الجدل في الوسط الغنائي ” تفاصيل ”

خرج الفنان "رامى صبرى" ، ليحسم الجدل حول الجدل الذى أثير حوله بعد انتقاده لمستوى الأغنيات التى تُقدم له من الملحنين والشعراء المصريين، موضحًا أنهم لا يقدمون أغنيات جديدة ومختلفة.

ونشر صبرى فيديو له عبرحسابه الرسمى على موقع التواصل الإجتماعي فيسبوك، وقال: " فيه ناس اتضايقت منى لما قولت إن الملحنين اللى بيبعتولى مبيعملوش حاجة مختلفة، أيوة دى حقيقة، مش مضطر أعمل حاجة عشان هى بتتبعتلى، أنا بعمل الحاجات اللى بشوفها من وجهة نظرى مختلفة وجديدة، دى حاجة متضايقش حد" .

وأوضح صبرى في الفيديو، وقال : " المشكلة مش فى الشعراء والملحنين، كلهم كويسين، المشكلة إن المطربين مش كتير، فى السوق المصرى بالكتير احنا 10، صعب تشتغل مع 10 مطربين وأنت عندك 70 ملحن وشاعر، وأشكر المستشار تركى آل الشيخ على الدعم اللى بيقدمه للفنانين" .

جاء ذلك على خلفية تصريحات الملحن نادر نور عن معاناته خلال الفترة الأخيرة، و ابتعاده عن الساحة الغنائية والصعوبات التى واجهته فى محاولات العودة إلى الوسط الفنى خلال السنوات الماضية.

فكتب نادر عبر حسابه الرسمى على موقع فيسبوك، وقال: " باعتذر لكل الناس اللى بتبعتلى كلمات أغانى من فضلكم متبعتوش تانى.. معنديش مشاريع شغال عليها ولا نجوم بتسمع منى اغانى ولا عندى حاجة أقدر اساعدك بيها لأنى ببساطة محتاج اللى يساعدني" .

وأضاف نادر نور :" وللناس اللى بتتهمنى بالكسل والتقصير أنا فعلا بعدت فترة لأسباب شخصية وباحاول أرجع من 3 سنين ومش عارف.. مسيبتش باب مخبطتش عليه.. فقدت التواصل مع الاغلبية العظمى داخل الوسط الغنائى منهم نجوم اشتغلت ونجحت معاهم ومنهم اللى بحاول اشتغل معاه للمرة الأولى ومنهم اللى عشرة عمر ومشوارنا بدأناه مع بعض واحلام حلمناها ونجاحات حققناها سوا واللى بيرد على التليفون مرة مبيردش تانى ، وبقيت احس بالرفض وعدم التقبل " .

وقال الملحن في منشوره:" أنا مش متعود أزن على حد أو أطلب الحاجة أكتر من مرة بشكل يقلل منى ومن احترامى لنفسى بعد كل اللى قدمته حتى لو كان قليل فهو كبير من وجهة نظري" .

واختتم نادر نور، فقال : " أخيراً معنديش مشاكل مع حد ولا باكتب الكلام ده لكسب تعاطف حد وكل الاحترام والتوفيق لزملائى انا مش زعلان من حد.. وآسف على الاطالة" .

المعروف أن، الفنان رامى صبرى، أحيا مؤخرًا واحدة من أضخم حفلات الربيع داخل أحد النوادى الكبرى بالمعادى، وسط حضور جماهيرى كبير ، قدم خلاله باقة من أبرز أغانيه من بينها : " يمكن خير، حياتى مش تمام، بقابل ناس، إلى جانب عدد من أغانى ألبومه الأخير أنا بحبك إنت .