عقب تخطية 17 مليون إيرادات..محمد رمضان : إزاى ماندلوش سينمات اكثر عشان أهلنا يتفرجوا ؟

علق الفنان" محمد رمضان" علي تصدر فيلمه الجديد أسد قائمة إيرادات شباك التذاكر، حيث فاز بالمركز الأول منذ طرحه في دور العرض السينمائي يوم 13 مايو الجاري، واستطاع تحقيق إيرادات تخطت 17 مليون جنية.

فكتب" رمضان" عبر حسابه الرسمي على موقع التواصل الإجتماعي فيسبوك، وقال: " يبقى ازاي ماندلوش سينمات اكتر علشان اهلنا يتفرجوا ؟!" .

ومن جانبه انتقد الفنان" محمد رمضان" عدم عرض فيلم أسد في عدد كبير من السينمات بمنطقة مصر الجديدة، وعلق في مقطع فيديو عبر حسابه الرسمي بموقع فيسبوك، وقال: "قريت في التعليقات تعليق ذكي، واحد بيقول ليه الصعايدة يروحوا سينما هيلتون؟".

وأضاف: "فيه مافيا مسؤولة عن السينما بيقول إيه نفتحله القاعة وإيه لأ، يمكن أكون أنا السبب، الغيرة، قابيل قتل هابيل بدافع الغيرة، بمشي في الشارع الناس بتنادي ليا بنمبر وان ومافيا والعمدة، ودلوقتي أسد".واستكمل: "بس الصناع والناس ذنبهم إيه، ليه الفيلم مايكونش موجود، يمكن أكون أنا السبب، مش موجود في ولا سينما منفردة، ده وأنا في بداية حياتي عبده موتة كان موجود في كل السينمات".

المعروف أن، فيلم أسد من بطولة: محمد رمضان، رزان جمال، علي قاسم، ومن إخراج محمد دياب وتأليف شيرين دياب ومحمد دياب وخالد دياب.