مهمة في الخفاء تنتهي بجريمة.. كيف دبر ”مندوب بولاق” لقتل خالته؟

كشفت تحقيقات النيابة العامة التي أشرف عليها المستشار عبد العظيم فرغل رئيس نيابة حوادث جنوب الجيزة عن مفاجآت صادمة في القضية رقم 5992 لسنة 2026، المُتهم فيها مندوب مبيعات وعامل بقتل "موظفة زنين" داخل شقة بولاق.

ووفق أقوال المتهم الأول "حسن" فإنه كشف عن خيوط الجريمة المؤلمة، فكيف دبرونفذ خطته الآثمة بحق خالته طمعًا في كنزها " الذهب" لحل أزمته الراهنة، كونه أثير للديون؟

س: ما أسمك وما صلتلك بالمجني عليها؟

ج: إسمي حسن م. إ اللي موتها دي تبقى خالتي

س وما مدى وجود ثمة خلافات فيما بينك و سالفة الذكر؟

ج: لا مكنش في بيني وبينها أي خلافات، ده هي كانت كويسه جدا معايا و كنت بروحلها كثير ويزورها لكن لحد ما حصل و استلفت فلوس من جوزها أستاذ عصمت واتاخرت في سدادها بقيت اتكسف أروح غير لما هي تكلمني تسأل عليا وتقولي تعالى إفطر معايا ولا حاجة.

س: وما هو سبب إقتراضك لتلك الأموال من زوج المجني عليها؟

ج:كان عندي مشاكل وطلبات كثير ومكنتش ملاحق عليها فكان زوج خالتي "عصمت" واحد من الناس اللي استلفت منهم فلوس، لأني مستلف من ناس كثير.

س : وكم كانت تقدر تلك الأموال؟

ج: الفلوس اللي كنت واخدها من زوج خالتي كانوا 110 ألف جنيه.

س: ومتى اقترضت تلك الأموال من سالف الذكر؟

ج: أنا استلفتهم منه من سنتين، عشان كان عندى مشاكل ومصاريف كثير وكنت محتاج فلوس بأي شكل.

س: وضح لنا طبيعة ما دفعك للاقتراض آنذاك؟

ج: حضرتك أنا متجوز من حوالي 12 سنة ومراتي كانت عندها مشكلة مبتخلفش و أنا كان نفسي اخلف فعملنا عملية حقن مجهري وساعتها الحمد لله ربنا كرمني بتوأم بس حملها والولادة كانو صعبين ومكلفين ودي بداية المشاكل.

س: أي مدى وصلت مصروفاتك آنذاك؟

ج: أنا شفا موزع مواد غذائية والحمد لله شغلي في الشهر بيدخل لي مثلا حوالي 20 ألف جنيه، ومراتي عملت "حقن مجهري"، و اللي كان دافع فلوسها حماتي، لكن أنا الوضع بدأ يزيد معايا لما بدأت الحمل لأن المصاريف ساعتها زادت عليا جامد، لأنها كان عندها مشكلة مبتحملش طبيعي فكانت بتاخد حقن كل يوم بمبلغ 100 جنية ولمدة 3 شهور لحد معاد الولادة وكل الفلوس دي الحمد لله كنت قادر أدبرها وكانت ماشية لحد ما ولدت وساعتها العيال عشان توأم وهي حملها ضعيف اضطريت أدخلهم حضانة في مستشفى خاصة ودى بداية إني أستلف الفلوس.

س: كم المدة التي مكث نجليك بالمستشفى؟

ج: اتحجزوا حوالي 15 يوم وصرفت عليهم مبلغ حوالي 300 ألف جنيه.

س: هل كان ذلك السبب في اقتراض المبلغ المالي من زوج المجني عليها"هناء"؟

ج: لا لاني الحمد لله بعد ما ربنا كرمني والعيال خرجت من الحضانة والدنيا الحمد لله بقت كويسة، لقيت نفسي ساعتها مديون بمبلغ حوالي 120 ألف جنية فكنت عشان أسدد الفلوس دى للناس بدأت أخذ بضاعة بالأجل من الشركات أو التجار و ابيعها مكاش فكنت بخسر فيها وده كان سبب في أن الديون عليا تزيد وخلال الفترة دي استلفت الفلوس من عم عصمت ومبقتش عارف أسددها كلها ، وكمان أنا إتجوزت مرة كمان المصاريف كترت أكثر.

س: متى تزوجت زيجتك الثانية؟

ج أنا اتجوزتها 2024.

س: إذا وما سبب زواجك ؟

ج: عشان أنا كان نفسي في بنت ومراتي الأولى مبتحملش طبيعي وعملية الحقن المجهري غالية أوى وأنا أصلا مديون اتجوزت الثانية.

س: ما مدى سدادك أيَّا من المبالغ المالية المستحقة عليك؟

ج: أنا طبعا كنت بسدد من هنا لهنا وحتى دافع لعم عصمت حوالي 15 ألف جنيه من فلوسه بس طبعا موضوع البضاعة بالأجل ده و ابيعها كاش كان يخسرني كتير والديون زادت عليا أكثر مقلتش.

س: وما هو إجمالي المبلغ النقدي المستحق عليك الآن؟

ج أنا دلوقتي مديون بأكثر من 1.700.000 مليون جنيه.

س: وما مدى توقيعك لثمة سندات مثبتة للديون؟

ج: أيوة أنا ماضي على حوالي 4 إيصالات أمانة، وفي ناس مستلف منها من غير ما أمضي.