تامر حسني يكشف عن أكبر لقطة نجاح لاينساها.. فما القصة ؟

كشف النجم" تامر حسني" لمتابعيه عن أكبر لحظات النجاح التى لاينساها كمطرب ، وذلك عبر صفحته الرسمية بموقع التواصل الإجتماعي فيسبوك.

فنشر تامر فيديو لحفله الذي أحياه مؤخرًا في المغرب، وعلق قائلا: " عيني مكانتش مصدقه عدد الناس… حد سألني النهارده إيه أكبر لقطة نجاح مش بتنساها، كمطرب حضر في دماغي حفلة تطوان في المغرب ".

وأكمل تامر، وقال:" كانت حفلة أسطورية بجد، كانت الحفلة الأكثر جماهيرياً في تاريخ المغرب كما قال مقدم الحفل، حضر ٤٠٠ ألف شخص وده الرقم اللي حصره قبل ما أجي، وبعد كده كبر أكتر زي ما إنتوا شايفين ومحدش عرف يعد" .

وأوضح تامر في منشوره : " عيني مكانتش مصدقه عدد الناس، كنت حاسس إن عيني شايفه جرافيكس من العدد، كانت فرحة ليا مش عادية كمطرب مصري وكإنسان أصلًا شاف كل الحب ده في يوم واحد ".

وأختتم الفنان تامر حسني وقال : " الحمدلله،،، كل الحب والتقدير للشعب المغربي الطيب الحبيب توحشتكم بزااااااااف والله أتمنى اللحظة دي تكون دافع لأي حد اتقاله مستحيل هتوصل، لأن أنا اتقالي كده زمان كتير بس عمري ما أُحبَط إنت كمان هتعمل كده ((الحمدلله)) " .