مي عمر تُنهي تصوير ” مسلسلها ” وسط صعوبات ومحمد سامي الست موناليزا رقم واحد

أعلن المخرج محمد سامي انتهاء الفنانة مي عمر من تصوير مشاهدها في مسلسل "الست موناليزا"، مؤكدًا أن الأيام الأخيرة كانت صعبة جدًا خاصة مع عرض المسلسل على الهواء في نفس الوقت، وتصويرها بعد ظروف شخصية صعبة، وكتب محمد سامي عبر حسابه على فيسبوك النهاردة مي عمر خلصت تصوير مسلسل الست موناليزا، آخر كام يوم كانوا صعبين جدًا لأنها صورت في عز ظروفها، بس صبرها وساعدها وجود رجالة أخواتها كانوا محاوطين عليها برجولة و جدعنة ودعم لا محدود

وتابع سامي: بداية من mbc مصر، المحترم أستاذ محمد عبد المتعال والأخ الشهم المحترم أستاذ محمد مصطفى، والمنتج الراقي الطيب الخلوق اللي بيحب أبطاله ويقدرهم أ. حسن العسيري، وأجمل وأشطر إثنين منتجين طارق فهمي و محمد عبد الوهاب اللي كانوا مموتين نفسهم عشان الست موناليزا يحقق النجاح اللي حققه بفضل ربنا وكرمه ويتصدر الترتيب سواء في مصر أو الوطن العربي.

وأضاف سامي: أنا بشكر الناس دي لأمانتهم وإخلاصهم وحبهم للناس اللي بتشتغل معاهم، سهل إنك تعمل مسلسل بس صعب إنك تبقى رقم واحد من أول يوم عرض لآخر يوم، بكلام موثق موجود على المنصة بريتنيج وترتيب واضح وشرعي ومعلن، مش كلام مطلق وعايم وختم: الست موناليزا رقم ١ من حلقة ١ إلى ١٤ وإن شاء الله هيقفل كده، لله الحمد والشكر.