”متصدقش وهمك صدق حلمك” تامر حسنى يوجه رسالة لجمهوره .. فما هى؟

وجه النجم "تامر حسني" رسالة لجمهوره ومتابعيه عبر صفحته الرسمية علي موقع التواصل الإجتماعي فيسبوك من خلال فيديو ترفيهي قام بنشره.

وعلق تامر على الفيديو وقال : " عشان توصل لفكرة مهما حصل أنا ثابت و متقعش زيهم .. لازم تقرأ البوست .. الڤيديو ده اللي عمله عمله عشان يضحك الناس بس أنا لفت نظري فيه حاجة أهم".

وأكمل تامر: " الناس بتبقى مشيت كام خطوة على الوهم اللي تحتهم لو مكانوش بصوا عليه كانوا كملوا عادي بس اللي وقعهم إنهم وقفوا و بصوا على الوهم و صدقوه فأعصابهم فلتت و سابت فا وقعوا و لما وقعوا إكتشفوا إنه كان وهم" .

وقال تامر : " يعني متصدقش اللي بيوهمك إنك مش هتنجح متصدقش أفكارك السلبية عشان لو صدقتها هتوقعك .. خلي قلبك جامد و إمشي و صدق إنك تقدر تمشي و تنجح و تطلع من اللي أنت فيه متصدقش وهمك .. صدق حلمك" .

المعروف أن، النجم "تامر حسني" شارك خلال الموسم الرمضاني 2026 بأكثر من حملة دعائية لصالح عددًا من الشركات والمؤسسات الخيرية.