دانا حمدان تكشف موقفا إنسانيا من أحمد العوضي: «ما يصحش تقعدي كده»

استعادة الفنانة دانا حمدان، موقف جمعها مع الفنان أحمد العوضي، وذلك بعد تصدره الترند عقب حلقته مع الفنانة اسعاد يونس، وذلك عبر حسابها الشخصي بموقع التواصل الإجتماعي فيسبوك.

وقالت دانا حمدان، "شفت لقاء أحمد مع مدام إسعاد وفكرني بموقف حصل منه من سنين طويلة أوي وإحنا بنصور مسلسل في 2017.

وأضافت: واجب التنوية.. قبل ما أكتب ليس لي أي علاقة لا من بعيد أو من قريب بتحيز من أي نوع وآخر مرة قابلت أحمد كان في مسلسل مليكة ودا من فترة بعيدة جدا وأنا شخص في حالي وفي عالم لوحدي دا بس في حال حب حد يدخلني في موضوع ما يخصنيش وللكل عندي كل الاحترام والتقدير".

وتابعت: "في يوم رحت التصوير وكانت مشاهد ليلية، وصلت اللوكيشن والغرفة اللي المفروض أقعد فيها كان فيها زميلة وكنا بنصور في فيلا (ما فيش كرفنات) وكانت لسه ما خلصتش مشاهدها وإحنا في الشتاء فسقعة موت فقعدت على كرسي في الكردور استنا الإنتاج يشوف حروح فين، بالصدفة خرج أحمد من غرفته وشافني وراح صور مشهد ورجع وأنا لسه قاعدة فسألني مالك فقلتله ماليش مكان بستنا فلانه تخلص».

واتسكملت: «فدخل غرفته وقال للمساعد بتاعه فضيلها الغرفة وقالي تفضلي ما يصحش تقعدي كدا لحد ما مكانك يفضى، وهو ما يعرفنيش ولا أنا أعرفة وما شوفتوش بعدها حتى علشان أشكره لأن ما كانش لينا مشاهد مع بعض لآخر المسلسل بس كان موقف محترم جدا منه، واللي حيقولي عادي حقولك لا مش عادي خاصة لما تكون مبتدئ وكان ممكن جدا أقعد ساعتين وأكتر ولا حد كان حيسأل لأن الغرف محدودة وغيره راح وجه وشافني وعادي جدا ولا الهوا".

واختتمت: "علشان كدا عمري ما نسيت الموقف دا، واللي يشتغل في الفن حيقولك مواقف البدايات هي اللي بتفضل في الذاكرة أكتر من بعد الشهرة والنجاح حتى لو كانت حاجات صغيرة".