” فاكر إنى هبقى عمر الشريف الجاى” تعرف علي أبرز تصريحات آسر ياسين حول بداياته الفنية

تحدث الفنان" آسر ياسين" عن بداياته الفنية والمعاناة التي واجهها، وذلك من خلال ظهوره في حلقة مع السيناريست عباس أبوالحسن، والتى تصدر من خلالها تريند مواقع التواصل الإجتماعي .

فقال آسر ياسين خلال لقاءه في بودكاست «د"حوارات مع عباس" : " أنا كنت بروح الانترفيوهات وأتقبل وأنا اللي أقولهم لا أنا عندي Family Busines، أنا ولا عندي Family Busines ولا نيلة، فأنت خارج مهندس من جـامـعة أمريكية وبيتقالك ممكن تروح هنا وهنا وشايف صحابك اللي سافر فرنسا واللي راح أمريكا واللي قعد هنا.. لابتوب.. عربية.. هيبتدي يشوف صاحبته هيخطبها أو هيتجوزها" .

أكمل إسر تصريحاته : " أنت رايح لوكيشن تصوير فيلم أو مسلسل ماحدش عارف عنك أي حاجة.. فاكر إنك هتبقى عمر الشريف الجاي.. طبعًا كنت لازم آخد على دماغي.. كنت بقعد في أوضة فيها 15 واحد قـاعـديـن، اللبس بييجي يترمي قدامك بمبدأ إلحق إلبس، بس بيظل ده جزء من التجربة اللي أنا باعشقها.. محدش عارفك لسه" .

وقال الفنان " طيب أنا عايز أكل.. أروح أقف على عربية البريك قدام الميكروباص اللي بيطلع الأكل، فتسأله الأكل ايه؟.. يقولك فيه جمبري أو فراخ.. تقوله جمبري.. يقولك لأ مفيش غير فراخ، وتاخد الساندوتش تروح تقعد على جنب"

اختتم الفنان آسر ياسين حواره: " أنت عارف انت كنت ممكن تبقى فين دلوقتي حالا انا ممكن ابقى فين بس انا اخترتك انك اخترت ده وانا اللي مختار ده وهستحمله وهاخده برجوله" .