عيش وسيب غيرك يعيش.. أسما شريف منير توجه رسالة للساخرين من نطقها لكلمة ”قرآن”

وجهت أسما شريف منير رسالة للساخرين من نطقها لكلمة "قرآن"، وذلك بعد ارتدائها الحجاب في الفترة الأخيرة، ومشاركتها للجمهور ببعض النصائح من تجربتها الأخيرة.

ونشرت أسما شريف منير رسالة لها على حسابها الشخصي بموقع التواصل الاجتماعي تبادل الصور والفيديوهات الانستجرام: يعني بصوا خلينا نقولها ببساطة، نفس الناس اللي بتقول ما تحكمش علي وخليك متفتح، هم نفسهم ساعات بيتريقوا على حد بس لأنه نطق "قرآن" صح أو حاول يكون ملتزم شوية، طب ما هو من حق كل واحد يعيش حياته زي ما هو شايف، ومن حق اللي بيحاول يكون قريب من ربنا إنه ما يتحطش في موقف سخرية.

وتابعت أسما شريف منير حديثها: يعني لو بنقول عيش وسيب غيرك يعيش، نطبقها على كل حاجة ما ينفعش تبقى شايف إن تصحيح كلمة إنجليزية غلط حاجة مهمة وبعدين تضحك على حد لأنه قال كلمة دينية صح، في الآخر كلنا بنتعلم من بعض، والاحترام هو الأساس.

اختتمت أسما شريف منير حديثها: فخلينا نكون لطاف مع بعض، ونسيب كل حد ياخد رحلته مع ربنا من غير ما نحسسه إنه غريب في النهاية، الدين معاملة وكلمة طيبة مش تريقة ولا حكم على حد.