”حالته النفسية صعبة”.. طلب عاجل لإدارة الأهلي بسبب إمام عاشور

كشف مهيب عبد الهادي، صدمة جديدة بشأن إمام عاشور لاعب الفريق الأول لكرة القدم بالنادي الأهلي، في ظل ابتعاده منذ فترة طويلة عن المشاركة مع الفريق الأحمر، وما أُثير حول أزمة تمديد عقده.وجه الإعلامي مهيب عبدالهادي، نداءً عاجلًا لـ إدارة النادي الأهلي، بخصوص حالة إمام عاشور، لاعب الفريق الأول لكرة القدم بالناديويبتعد إمام عاشور عن المشاركة مع الفريق الأول خلال الفترة الحالية، بعد إصابته بفيروس «A».

وقال مهيب عبدالهادي في تصريحات تليفزيونية: «في تحاليل جديدة لـ إمام عاشور الأسبوع اللي جاي لتحديد موعد انتظامه في التدريبات الجماعية لتحديد موقفه الفترة القادمة».

وتابع: «زي ما قولنا إمبارح إمام مش هيلحق السوبر وهنا أسكت قليلا، نداء إلى مسؤولي الأهلي إمام عاشور في حالة نفسية سيئة وصعبة، التعب اللي جاله مش سهل ومش شكر ولا تفخيم ولما حضرتك أنا أقول خبر سيب اللي يتكلم يتكلم واللي يقول يقول، ودي صحيحة بنسبة مائة في المائة، إحنا بننتقي معلوماتنا كويس أوى وبنعرف نجيبها منين».

وواصل: «وبقول للمسؤولين الحقو وخدوا بالكم كويس من إمام عاشور، اللاعب نفسيا محتاج يتراعي، راعوا إمام عاشور، إمام عاشور بيحظي من المسؤولين في النادي الأهلي بحب كبير جدا، وأنا بكلمك بأمانة هل الناس مقصرة لا، أومال أنت بتقول ايه؟ أنا بقول حالته النفسية».

واختتم: «إمام عاشور من أول المسؤولين في إدارة الإعلام في الأهلي لحد الكابتن الخطيب بيحبوه لأنه أفضل لاعب في مصر والولد يتحب بصراحة بس محتاج احتواء ويتقفل عليه والله العظيم دا مشروع نجم وسنه صغير وطيب وحاجات ممكن تخليه مفترق طرق، ولازم يتعمله نظام وسيستم وناس تراعيه، وهو عليه برضه أنه يركز في الحتة دي ويسمع الكلام».