أمير توفيق: الأهلي النادي الوحيد اللي عنده عقد رعاية عالمي للملابس والمضروب كتير

كشف أمير توفيق مدير التعاقد والتسويق السابق بالنادي الأهلي، تفاصيل أزمة الملابس الخاصة بالفريق الأول لكرة القدم بالقلعة الحمراء.

وقال أمير توفيق، في تصريحات ببرنامج «الكلام المظبوط»، المذاع عبر إذاعة «أون سبورت إف إم»: الأهلي هو النادي الوحيد في مصر اللي عنده عقد رعاية للملابس بالشكل العالمي.

وأضاف: الراعي يعطي للأهلي منتجات ببلاش، وبيدفعله فلوس، وبياخد نسبة من الأرباح على المبيعات وبونص على تحقيق البطولات.

وأوضح: في مشكلة في بيع الملابس في مصر، اللبس المضروب كتير في السوق، والكل بيتجه للمضروب بسبب الأسعار المرتفعة في الاستور الخاص بالبراند، حيث من الممكن أن يصل سعر التشيرت إلى 6 ألاف جنيه بينما المضروب 300 جنيه، وده عكس اللي بيحصل بره، المصدر الوحيد لشراء التشيرت هو الاستور الخاص بالنادي أو الشركة المصنعة للملابس.

تابع: حل هذه المشكلة في مصر صعب شوية، لأنك هتجبر الناس تدفع رقم كبير، في نفس الوقت لازم يتم حل هذه المشكلة.

وواصل: المشكلة ليست في التشيرت فقط، كل حاجة خاصة بالنادي الأهلي سواء ميدالية أو مج، موجودة في الشوارع كلها، والناس اللي بتبيعها بتكسب مبالغ كبيرة أوي.