أشرف عبد الباقي يعلق على نقل تجربة ”مسرح مصر” للعراق (تفاصيل)

خلال ندوته الأخيرة في معرض بغداد الدولي للكتاب، تحدث الفنان أشرف عبد الباقي عن عدة مشاريع فنية محتملة، أبرزها إمكانية عودة المسلسل الكوميدي الشهير راجل وست ستات بجزء جديد.

قال عبد الباقي: المنتج كلمني من يومين واقترح نرجع نقدم حلقات جديدة من راجل وست ستات، لكن لسه بنفكر بعد وفاة مها أبو عوف الله يرحمها الأمور بقت صعبة، مش عارفين لو رجعنا نكمل، هل هيبقى بنفس النجاح ولا لأ؟ كمان منة عرفة كبرت، فلو ظهرنا بيها دلوقتي ممكن تبقى اتجوزت وخلفت فإحنا في مرحلة دراسة، ولو لقينا إن الفكرة تستحق وممكن تنجح، أكيد هنبدأ الشغل.

أما عن فكرة نقل تجربة مسرح مصر إلى العراق، أوضح عبد الباقي أن لكل بلد طابع خاص يجب احترامه، قائلاً: مينفعش ناخد التجربة زي ما هي وننقلها العراق ليه خصوصيته وثقافته، ولو هنعمل حاجة هناك، يبقى لازم تبقى عراقية 100% بأهل البلد وشبابه اللي ناجحين على السوشيال ميديا لازم يطلعوا على المسرح ويثبتوا نفسهم ويقدموا فن نابع من بيئتهم.

وتطرق أيضًا للحديث عن التمثيل كجزء من الحياة اليومية، قائلاً بنبرة ساخرة: تخيلوا كلنا ممثلين من غير ما ناخد بالنا؟ الطفل بيعيط علشان أمه تشيله، ويمثل إنه عيان علشان يهرب من المدرسة. ولما يكبر، يمثل إنه اتأخر بسبب الزحمة، أو إنه غلبان علشان ياخد علاوة من مديره التمثيل جزء من حياتنا من أول يوم.

وفي سياق آخر، يترقب أشرف عبد الباقي عرض مسلسله الجديد "ولد بنت شايب"، والذي يشاركه بطولته كل من: ليلى أحمد زاهر، نبيل عيسى، انتصار، ومروان المسلماني، ومن إخراج زينة أشرف عبد الباقي.