أمير عيد في ختام مهرجان العلمين: الفن مش للبيع.. أنا مش كيس شيبسي

في واحدة من أقوى لحظات مهرجان العلمين صيف 2025، أحيا الفنان أمير عيد حفل الختام وسط جمهور غفير، وقدّم عرضًا مليئًا بالحيوية والعاطفة. لم يقتصر تميز الحفل على الأغاني التي قدّمها، بل امتد إلى الكلمات الصادقة والجريئة التي وجهها أمير إلى جمهوره، مما جعله أحد أبرز لحظات المهرجان هذا العام.

وفي حديثه على المسرح، تحدّث أمير عيد عن رفضه التام للابتذال والسعي وراء الأرقام، قائلاً بكل وضوح: أنا بعمل الأغاني اللي بحبها مش علشان أكون ترند أو أكون 'جامد' أنا مش كيس شيبسي علشان أبيع أكتر حد. الفن بالنسبة لي مش للبيع، أنا فنان حر وبغني لجمهور حر عارف قيمته وبيفكر.

روى أمير حادثة مؤثرة على هامش حضوره للحفل، حيث توقّف لتحية بعض الجمهور على طريقه من القاهرة إلى العلمين، مضيفًا: حتى لو الحضور كان نص العدد أو 10 فقط، كنت هعمل نفس الحفلة. العدد مش هو المهم، المهم هي الروح اللي بتديها. القيمة مش في الكم، بل في المعنى.

ثم انتقد أمير عيد الواقع الزائف الذي نعيشه، حيث قال: الناس بتتباهى بالفلوس والعربيات والساعات، لكن أمي قالتلي: عمرك ما هتبقى غني إلا لو عندك حاجة الفلوس مبتشتريهاش. وأكد أن السوشيال ميديا قد تخلق نوعًا من الوهم: الناس بتظهر نفسها مبسوطة، لكن دول مش ناس حقيقية، أنتم الحقيقة.

وفي ختام حديثه، وجه أمير رسالة مؤثرة لجمهوره، قائلاً: زمان كنت فاكر إني بغني لوحدي ومحدش هيفهمني، لكن وجودكم النهاردة بيأكدلي إني مش لوحدي. الأغاني دي بتعيش معاكم أنتم السبب إني مش لوحدي في عالم بقى دمه تقيل ومش حقيقي.