صبري فواز عن طفلة الشيبسي: رد والدها في منتهى الجمال

علق الفنان صبري فواز على الموقف الإنساني للطفلة هايدي ووالدها، بعد القصة التي شغلت مواقع التواصل مؤخرًا.
وكتب فواز عبر حسابه على فيسبوك: “هايدي بنت جميلة وطيبة ومُتربية، وعملت خير. المواقع جريت عليهم يصورونهم ويجروا معهم لقاءات، ودي حاجة كويسة يشكروا عليها. والراجل، أبو هايدي، قال كلمة في منتهى الجمال: (أنا شايف إنها حاجة عادية)”.

وأضاف: “مافيش أجمل من كده رد، خصوصًا لما ييجي من راجل طيب شريف يعرف يربي. ليه عايزين نشده لحواراتنا وترينداتنا ونخليه يفتي في حاجات مالوش علاقة بيها؟ سيبوا الناس بجمالها، دول آخر حاجة حلوة”.

وكانت الطفلة هايدي، صاحبة ترند "كيس الشيبسي"، قد خطفت القلوب بعد أن فضّلت مساعدة رجل مسن على شراء إفطار لها ولوالدتها، قائلة: “كنت بجيب فطار ليا أنا وماما، شوفت الراجل الغلبان وصعب عليا، وقررت أديه آخر خمسة جنيه معايا”.