ريهام عبدالحكيم تدعم أنغام في أزمتها الصحية: صوتك معجزة

حرصت المطربة ريهام عبدالحكيم، دعم الفنانة أنغام، بعد ازمتها الصحية الأخيرة، طالبة من جمهورها الدعاء لها بالشفاء العاجل.

وكتبت ريهام عبدالحكيم، عبر حسابها على موقع التواصل الاجتماعي «فيسبوك»،: “فيها حاجة حلوة… ومن أجمل الحاجات دي إن في بلدنا صوت زي صوتك يا أنغام صوتك مش مجرد غُنا، صوتك حاجة معجزة زي ما انتي قولتي في أغنيتك، بيدخل قلوبنا ويطبّب جراحنا قبل ما نحس بيها”.

وتابعت: “النهاردة كلنا بندعيلك من قلبنا إنك ترجعي لنا سلامة قلبك وبخير، وترجعي تغني وتقوليلنا اتجاه واحد هو طريق الفرح اللي صوتك بيرسمه لينا”.

وجّهت رسالة ل أنغام قائلة: “إنتي مش بس مطربة عظيمة، إنتي صديقة وأخت وحبيبة لينا كلنا.. وجمهورك اللي بيعشقك مستني يشوفك بين البينين والضحكة راجعة تنور وشك وتملأ الدنيا أمل. ربنا يشفيكي ويقومك بالسلامة، ونشوفك قريب منوّرة المسرح”.

وفي نفس السياق، نفى الإعلامي محمود سعد ما تردد خلال الساعات الماضية بشأن تدهور الحالة الصحية للفنانة أنغام، مؤكدًا أن ما يُنشر عبر بعض الصفحات غير دقيق.

وكتب سعد عبر حسابه على فيسبوك: "عايز أطمنكم على أنغام، لأن في أخبار كتير بتتنشر مش صحيحة.. لسه تداعيات الجراحة مسببة لها ألم، والأعراض الجانبية للعملية تستدعي بقاءها في المستشفى أيام أخرى لغاية ما يسيطروا عليها. أنا باطمنكم أول بأول علشان تبقوا عارفين الأخبار الدقيقة بعيدًا عن الشائعات، والأهم إنكم تدعولها."