”ده الموت اللي انت ناسيه”.. فارس حميدة يوجه رسالة للمطربين بعد رحيل أحمد عامر (فيديو)

وجه مطرب المهرجانات المعتزل فارس حميدة رسالة مؤثرة للنجوم و المطربين، بعد رحيل المطرب الشعبي أحمد عامر عن عالمنا صباح اليوم بشكل مفاجئ.

ونشر فارس حميدة فيديو، من خلال حسابه الرسمي عبر موقع تبادل الصور والفيديوهات القصيرة إنستجرام، وقال: لسه شايف خبر مفجع بالنسبالي، والحقيقة الواحد حزين جدًا، وهو خبر موت أخونا أحمد عامر، ربنا يرحمه ويغفرله ويتجاوز عن سيئاتة، ويسكنه فسيح جناته و يثبته عند السؤال، اللهم آمين.

وأضاف موجهًا رسالة للنجوم: رسالة لـ أخوتنا المطربين والفنانين هي دي الدنيا اللي احنا بنجري وراها وناسين آخرتنا بسببها، “وجاءت سكرة الموت بالحق”، هي دي فكرة الموت اللي كل ما بتحصل حاجة تفكرك بيها تتغاطاها وتكمل في طريقك، هو ده الموت اللي أنت ناسيه ومسحول ورا التريندات والأعمال والنجاحات اللي هي مش نجاحات، “كل نفسٍ زائقة الموت.

وتابع: هنفضل نجري ونعمل فلوس وشهرة، وهيجي الموت ياخدني ومش هيبقى غير العمل الصالح، والله ما هاخد في الكفن الفلوس ولا الشهرة والأرقام اللي حققتها، وكل يوم بيجيلك رسالة.

وأختتم: يعني أخونا أحمد عامر شاب كان طيب وبنسمع عنه كل خير، وكان في وقت نجاحه بس الموت مش هيفرق بين النجم واللي مش نجم وبين الكبير والصغير، ومش هتاخد معاك غير عملك الصالح، واتمنى أن يكون في عمل صالح لـ أحمد عامر بينه وبين ربنا يشفعله، فـ اتعزوا يا أهل الفن.