الرجولة مش صوت.. حمو بيكا يوجه رسالة دعم مؤثرة لحسن شاكوش بعد أزمة حفله الأخير

وجه مطرب المهرجانات حمو بيكا رسالة دعم قوية إلى زميله حسن شاكوش، بعد تعرض الأخير لانتقادات واسعة عبر مواقع التواصل الاجتماعي بسبب تراجع مستوى صوته في إحدى الحفلات.

وكتب بيكا عبر حسابه الرسمي على فيسبوك: اللي بيهزر وبيسخر من حسن شاكوش علشان صوته تعبان، أحب أقولكم: الرجولة مش بس صوت. الرجولة مواقف، وصمود، وشغل، وتعب، وشقى علشان توصل، المطرب الحقيقي هو اللي بيغني من قلبه، حتى لو صوته مرهق، وبيفرّح الناس، حتى لو هو موجوع.

وأضاف حمو بيكا: الناس اللي قاعدة ورا الكيبورد وبتتريق؟ ولا واحد فيهم يقدر يقف دقيقة مكانه في حياته. أنا معاك يا شاكوش لآخر نفس.

رد حسن شاكوش على الهجوم:

من جانبه، علق حسن شاكوش على الفيديو الذي انتشر بشكل واسع، ويظهر فيه صوته متعبًا أثناء أداء أغنية شهيرة، وقال عبر صفحته الرسمية على إنستجرام: أنا مش بحب أطلع وأتكلم عن تعبي، بس حبيت أوضح إن ده كان فرح أخويا الصغير (نور التوت) وكان لازم أكون موجود وأغني رغم إن صوتي متأثر جدًا بسبب دور برد شديد، مكنتش قادر أتكلم أصلًا.

وتابع شاكوش: أنا مقدر جدًا تعليقات الناس، وده من حقكم، بس الحقيقة إن الواحد لما بيكون مريض فعلاً بيبقى صعب عليه حتى يتكلم، فما بالك إنه يغني وسط جمهور كبير؟.

وللجدير بالذكر أن يأتي هذا التفاعل بعد تعرض شاكوش لسخرية وانتقادات من عدد كبير من المتابعين، عقب تداول المقطع الذي ظهر فيه بأداء صوتي متأثر ومرهق، إلا أن دعم زملائه – وعلى رأسهم حمو بيكا – أعاد التوازن للموقف.