فين صاحب القرار في الزمالك؟ تعليق مثير من إكرامي على أزمة تجديد عبدالله السعيد

علق إكرامي الشحات، حارس مرمى النادي الأهلي السابق على الأزمة المثارة مؤخرًا بشأن تعثر مفاوضات تجديد نادي الزمالك مع لاعب ونجم الفريق عبدالله السعيد.

وسبق أن أشارت تقارير عن تعثر المفاوضات بين إدارة الأبيض وعبدالله السعيد، مما أدى إلى تخلف اللاعب عن الانتظام في معسكر الفريق المقام حاليًا في مدينة الإسماعيلية، استعدادًا لمباريات الفريق القادمة ونهائي الكأس.

وقال إكرامي في تصريح تليفزيوني عبر شاشة «إم بي سي مصر»: «مينفعش عضو في اللجنة الفنية بنادي الزمالك يقعد مع عبدالله السعيد ويتفق معاه على شيء، وبعدين يرجع عضو مجلس الإدارة يختلف على الاتفاق ده، طب ما كان قعد مع عبدالله من الأول».

وأضاف: «لازم صاحب القرار هو اللي يقعد ويتفق مع اللاعب لكن ده محصلش، وعبدالله السعيد وصل لـ طريق مسدود مع الزمالك حسب معلوماتي».

وتابع: «عبدالله السعيد كان بياخد مع بيراميدز مبلغ كبير، وضحى عشان يروح نادي الزمالك، فلازم الزمالك دلوقتي يعوضه، والسعيد فاد الفارس الأبيض كتير ولازم ياخد اللي يطلبه».

وأوضح: «عبدالله السعيد فاضله سنة أو سنتين في الملاعب وبالتالي لازم يأمن مستقبله، وحسب اللي سمعته إن الزمالك جايله حاجة كويسة خارج مصر».