حفيد عبد الحليم حافظ: العندليب لو اتجوز هينكر الجواز ليه؟! .. شيء مش عقلانى

علق الفنان نور الشناوي حفيد العندليب، على ما أثير مؤخرا حول حقيقة زواج الفنان الراحل عبد الحليم حافظ من السندريلا سعاد حسني، والذي تجدد الحديث عنه بعد أن سرب ورثة عبد الحليم جواب خاص أرسلته سعاد لحليم وفقا لرواية ورثة العندليب.

وقال نور الشناوي عبر حسابه على موقع التواصل الاجتماعي فيسبوك :انا قاعد ساكت كتير احترامً لاراء الناس اللى على راسى و الانتقادات اللى حصلت الكام يوم اللى فاتوا فى موضوع الرساله و ان العيله لقوا الرساله دلوقتى و اننا عايزين نطلع ترند و نتشهر و نشوه و كلام ملوش اساس من الصحه العيله اصلاً مش اللى ابتدت الموضوع ده و ان الصحافه و ناس كتير اوى عايزه تكسب و تستفيد من وره الموضوع ده و ان عايزه تجوز اتنين بالعافيه و هما ماتجوزوش و اللى عنده اثبات يطلعوا لاكن كله كلام فى الهوى و مالوش اى اساس من الصحه.

وتابع حديثه قائلا: من حقنا كا عيله يا ناس محترمه ان لما يتم افتعال شئ ماحصلش اننا نطلع ننكر و اى حد لو مكانه هيعمل كده الحمد لله مافيش اى فنان فى مصر او بيت فنان فى مصر حد قدر يحافظ القيمه و القامه الفنيه اللى عبد الحليم حافظ سابها لمصر و العالم العربى من بيت لمقتنيات شخصيه و لتراث فنى زينا انا بس مش فاهم ليه لو الواحد اتجوز هينكر الجواز ده شئ مافيهوش عقل اصلاً و لكل الناس التقدير و الاحترام.

وللجدير بالذكر أن أعلن محمد شبانة ابن شقيق الفنان الراحل عبد الحليم حافظ، عبر منشور بموقع فيسبوك، أن علاقة حب كانت تجمع النجمين الراحلين، لكنها لم تتوج بالزواج، وأرفق مع منشوره نص جواب من السندريلا، يدعم كلامه.