أول تعليق لـ أحمد داوود بعد تكريمه في مهرجان المركز الكاثوليكي

علق الفنان أحمد داوود على تكريمه في مهرجان المركز الكاثوليكي للسينما في دورته الـ 73، بجائزة أفضل ممثل عن فيلم "الهوى سلطان".

ونشر أحمد داوود صورة التكريم عبر حسابه الرسمي على انستجرام؛ قائلًا: انك تعمل فيلم ينجح نجاح جماهيري كبير في السينما ويعمل ايرادات كبيرة في مصر وفي كل الدول العربية ده احساس بيفرح أكتر من أي حاجة في الدنيا بالنسبالي كمان لما يبقي نفس العمل ينجح على المستوي الفني والنقدي وتقدر تجمع بين جائزتين من أهم جوائز التمثيل ومن أقدم وأعرق المهرجانات السينمائية المصرية تبقي دي لحظة استثنائية الواحد بيشتغل عشان يقدر يوصلها ودي اكتر فرحة واكتر نجاح ممكن تحسه وتستمتع بيه في شغلك يارب نشتغل ونتعب اكتر واكتر وأقدر اعيش زيها كتيير مع أفلام أكتر لسه جاية أن شاء الله يارب.

وأضاف: افضل ممثل دور أول من مهرجان جمعية الفيلم في دورته ال 51، وأفضل ممثل دور أول من مهرجان المركز الكاثوليكي في دورته ال 73 شكرا لكل فريق عمل فيلم الهوي سلطان أمام وخلف الكاميرا ممتن لكم جميعا، وشكر خاص جدا ل هبه يسري.

واختتم: شكرا يا سلطان على كل المجهود والأخلاص وشكرا على روحك الحلوه اللي عملت الفيلم ده وشكرا أنك انت السبب في أني أعيش اللحظة دي.