مصطفى يونس يفتح النار على مجلس الأهلي.. ويطالبهم بالاعتذار

أزاح مصطفى يونس نجم النادي الأهلي، الستار مطالبًا مجلس الخطيب بتقديم اعتذار على الأخطاء التي حدثت في القلعة الحمراء.

وقال يونس خلال حلوله ضيفًا على برنامج اللعيب المذاع على شاشة «إم بي سي مصر»: «يشرفني إني اتولى تدريب نادي الزمالك بالتأكيد مش عيب، وإية الفرق بيني وبين حسام حسن اللي تولى تدريب الزمالك من قبل».

وأضاف: «بالتأكيد أنا مستبعد من تولي القيادة الفنية للأهلي في عهد الخطيب، وميفرقش معايا أنا واضح».

وأكمل: «نفسي حد في النادي الأهلي يطلع يقول أنا أخطأت في هذا القرار، ولكن الشماعة هي المدير الفني».

وأردف: «لما بجيب مدير فني أجنبي واجيب معاه مدرب مساعد مفروض أبقى بجهزه عشان يتولى المسؤولية من بعده، ولكن اللي بيحصل إننا بندور دايمًا على الأجنبي».

وأكمل: «كولر وقع من نظري لما ساب أحمد عبدالقادر، وأليو ديانج، ومحمد شريف، وحمدي فتحي، ومجابش حد واللي جابه قاعد على الدكة برا».

وواصل: «فين دور لجنة الكورة ولجنة التخطيط، عشان كدة لازم يكون اللي مع كولر حد قوي، والناس بالشكل ده مبتشغتغلش».