حلا شيحة: كنت بسأل وأنا طفلة ربنا فين؟.. ولما كبرت آمنت بوجوده رغم إني مش شايفاه

كشفت الفنانة حلا شيحة بعض لحظاتها الروحية التي عاشتها منذ طفولتها، حيث قالت إنها كانت تحب التأمل والتفكر في خلق الله، خاصة عند البحر.

وقالت حلا شيحة في فيديو نشرته عبر حسابها على إنستجرام: وأنا صغيرة كنت بحب أوي موضوع التفكر، وأصحى بدري وأروح أقعد على البحر بالليل مكنتش بحب أطلع، وكنت أتأمل في السما والبحر، وأقول لنفسي البحر عظيم جدًا.

وأضافت حلا شيحة: من ضمن الحاجات اللي كنت بفكر فيها، إني أبص على البحر وأقول: طب هو ربنا فين؟ إحنا مش شايفينه، طب هو موجود فعلًا؟ وكنت ببص على آخر البحر وأقول فيه حتة كده نظرنا مش بيقدر يجيبها، فكنت بقول خلاص، مش ده آخر المطاف، بس سبحان الله أنا مش شايفة علشان نظري قاصر، وبقيت مؤمنة إن ربنا مش شايفينه، لكن هو موجود.

وللجدير بالذكر أن حلا شيحة عادت مؤخرًا لارتداء الحجاب، وتحرص على مشاركة جمهورها عبر إنستجرام بتأملات روحية ورسائل إيمانية، حظيت بتفاعل واسع ودعم كبير من متابعيها وعدد من الفنانين.