«يمشي فورًا ومتستناش لبكرة».. نجم الأهلي السابق يفتح النار على كولر

انتقد محمود أبو الدهب نجم النادي الأهلي السابق، السويسري مارسيل كولر المدير الفني للمارد الأحمر، بعد وداع الأهلي بطولة دوري أبطال أفريقيا.

وقال أبو الدهب في تصريحات تليفزيونية عبر شاشة «أون سبورت»: «أنا شايف إن كولر لازم يمشي فورًا ومتستناش لبكرة، وكان يتاخد قرار إقالته ورحيله بعد المباراة على طول».

وأضاف: «انا بحس إنه فيه فجوة كبيرة بين كولر وبعض اللاعبين في الأهلي، في نجوم كتير جدًا مش بيلاعبها».

وأكمل: «كولر عنده أخطاء كبيرة جدًا وخسرتنا بطولات كتير، وفي ناس هتقول هو كسب بطولات، ولكن خسرنا بطولات أكتر وكانت سهلة للمارد الأحمر عشان انت أفضل».

وأردف: «الطريقة اللي لعب بيها في جنوب إفريقيا كان مسموح بيه إن انت تلعب دفاعي، ولكن في القاهرة كان لازم تشرك كل لعيبة الكورة».

وأتم: «مينفعش يبقى عندي لعيب زي أشرف بن شرقي واسيبه على الدكة، وكمان عنده تغيرات ومش بيدي اللعيبة إلى في آخر المباراة ، وبالتالي أنا مع قرار رحيله حالًا،».