مدرب ستيلينبوش: بنحاول نلاقي نقاط ضعف الزمالك عشان نستغلها

تحدث ستيف باركر المدير الفني لنادي ستيلينبوش الجنوب إفريقي عن مواجهة الزمالك في ربع نهائي كأس الكونفدرالية الإفريقية.

وقال ستيف باركر في تصريحات صحفية: إحنا دلوقتي بنستعد لمباراة الإياب ضد الزمالك في ربع نهائي كأس الكونفدرالية الإفريقية والمباراة الأولى كانت صعبة جدًا، لكن خرجنا بنتيجة إيجابية تساعدنا في القاهرة، ونتيجة لقاء الذهاب تعطينا أمل كبير إن إحنا نقدر نكمل في البطولة.

وأضاف: الزمالك فريق قوي جدًا، هو بطل النسخة اللي فاتت، وإحنا عارفين إن الأجواء في القاهرة هتبقى صعبة جدا ومليانة ضغط، لكن إحنا مركزين جدًا على التأهل، ونحلل أداء الزمالك كويس جدًا، وبنحاول نلاقي نقاط ضعفه عشان نستغلها.

وأشار ستيف باركر في تصريحاته: التحليل بقى جزء مهم جدًا من استعداداتنا، لأنك لازم تفهم الخصم كويس عشان تقدر تتعامل معاه، إحنا كمان بنشتغل على نفسيتنا وعلى تركيزنا، لأن المباراة دي هتبقى تحدي كبير، مش بس على المستوى الفني، لكن كمان على المستوى الذهني.

وأردف: الكرة الجنوب أفريقية بتتطور بشكل كبير، وإحنا كفريق بنحاول نكون جزء من التطور ده، والوصول لربع النهائي في أول مشاركة لينا في البطولة دي حاجة كبيرة، وإحنا عايزين نثبت إن الكرة الجنوب أفريقية قادرة تنافس أقوى الفرق في القارة

وأتم تصريحاته قائلًا: إحنا بنطلب من جماهيرنا إنهم يدعمونا ويدعموا اللعيبة ويبقوا معانا بقلبهم، لأن دعمهم بيفرق معانا كتير، شكرًا ليكم، وإن شاء الله نرجع بنتيجة إيجابية من القاهرة والتأهل يكون من نصيبنا.