تامر حسني يوجه نصيحة للشباب من واقع تجربته: اقلب الصفحة يا صاحبي محدش هينفعك

وجه الفنان المصري تامر حسني، رسالة لمتابعيه بمناسبة حلول شهر رمضان، دعاهم فيها إلى ترك الماضي وراءهم والتركيز على الحاضر والمستقبل.

وكتب تامر حسني عبر حسابه الرسمي على فيسبوك: بروحانيات شهر رمضان الكريم زي ما متعودين اني بحاول من واقع الدنيا ومشواري الشخصي أي شيء بتعلمه لازم اوصلهلكم بعيدًا عن الفن تمامًا.

وأضاف: عمركم شوفتوا حد عايز يطلع خطوه قدام وباصص وراه أكيد مش هيعرف طب هل في حد ممكن يبدأ جزء جديد في كتاب حياته وليكن الجزء الثاني وهو قاعد لسه بيقرأ الجزء الأولاني أكيد لا طب يعمل إيه أقولك انا ما دام خلص الجزء الأول أو خلص اخر صفحة في الجزء الأول يقلب الصفحة بس كده ويركز في حاضره لأن اللي فات مش هيعرف يغير فيه حاجة فا ليه بيضيع وقت مع اللي فات طب الحاضر أولى انسى اللي فات يا صاحبي وأقلب الصفحة يلا وابدأ حالاً محدش هينفعك والعمر بيجري ولو لسه في ماضيك ومخلصتش الصفحة حاول تخلصها بأحسن طريقة على قد ما تقدر عشان تفتح الجديدة بروح أجمل يلا إنسى كل اللي تعبك زمان وكل ما تحبط إفتكر إنك مدام صحيت ليوم جديد ولسه عايش ما موتّش، أعرف أن لسة ربنا عايز منك حاجات يعني ليك لازمة كبيرة جداً يلا قوم دور عليها واقلب الصفحة.

واختتم تامر: ابدأ بصفحة جديدة جميلة زيك والله والله ده كلام حقيقي من واقع الحياة ومن واقع تجربة أي حد حلم وقدر يحقق أحلامه مادام صحيت أنت ليك لازمة قوم يلا أقلب الصفحة.