ميدو: وجودي بالزمالك أنا وحازم إمام هيمنع أي حد يعمل سبوبة أو مصلحة
أزاح أحمد حسام ميدو، نجم نادي الزمالك السابق وعضو لجنة التخطيط بالنادي، الستار بالحديث عن عدة ملفات داخل القلعة البيضاء.
وقال ميدو في تصريحات عبر سبيس لايف على منصة X: الأسبوع الجاي هقدم هيكلة كاملة لقطاع الكرة.. عشان نشتغل باحترافية وشكل مؤسسي.. وهيتم مناقشة الموضوع مع لجنة التخطيط.. وبعد كده هيتم رفع توصية لمجلس الإدارة لاعتمادها بشكل رسمي.
وأكمل: مجرد ما هندفع مبلغ بند شراء إعارة بنتايك سيتم ضم اللاعب بشكل نهائي، وبطمن جمهور الزمالك إن الكلام اللي بيتقال في الميديا بخصوص بنتايك غير صحيح وغرضه زعزعة الاستقرار.
وتابع: بيتم تأسيس هيكلة إعلامية وتطوير القناة، وخلال الأسبوع المقبل هيتم الإعلان عن الهيكلة وهقدم البرنامج الرئيسي في قناة الزمالك.
وأضاف: اللي محسوب على الزمالك وبيحاول ينفذ أجندته الخاصة ويبتز النادي هنفضحه، وفيه شريحة من المحسوبين على الزمالك كانوا بيتمنوا الفريق يخسر من الأهلي.
وتابع: فيه ناس محسوبين على الزمالك بيطلعوا في الإعلام بوجه وهما في الأصل بيظهروا بوجه تاني خالص.
واختتم ميدو تصريحاته قائلا: في وجود ميدو وحازم إمام في الزمالك مفيش بني آدم هيعرف يطلع بسبوبة ومصلحة من النادي.
.jpg)
