عشت عمري تحت رجليه ولما عرف اني مريضه و مليش في الخلف رماني في الشارع

حسبي الله ونعم الوكيل حسبي الله ونعم الوكيل ضيعت عمري عليه وكنت بنضف في البيوت وبمسح سلالم عشان اجيب القرش وأساعد معاه كنت بستخسر في نفسي السندوتش لكن كل ده طلع علي الفاضي لما عرف بمرضي واني مش بخلف رماني وقالي مش هزرع في أرض بور وانا مليش لا أخ ولا اخت واهلي متوفين .
بهذه الكلمات بدأت السيدة عايدة ر . م . خ صاحبة الـ37 عام ومقيمة بإحدي قري مركز الرياض حديثها لـ موقع " نيوز روم" عشت مع زوجي طوال 14 عام اعمل في البيوت ليتثني لي مساعدته في الإنفاق وجلب مستلزمات الحياه ومع ذلك ماكنتش بشوف كلمه حلوه يوم ما اشتغل يعاملني كويس ويوم مايكنش فيه شغل يكون يوم طويل زعيق وأهانه ويمكن يوصل للضرب .
بدأت الحكاية لما الحمل تأخر
خاصة بعد سنوات من الزواج ولم تظهر أي أعراض تدل علي الحمل وكان دايماً يقولي عايز عيل يشيل اسمي روحي شوفي نفسك وسبب التأخير ايه قررت اروح اكشف عند طبيب نساء وبعد عمل التحاليل واشاعات الدكتور قالي للأسف مافيش آمل انك ممكن تخلفي وكمان قالي لازم تروحي لدكتور صدر في أقرب وقت.
وأضافت الزوجه ذهبت لدكتور الصدر وبعد عمل الفحوصات الطبية اللازمة أخبرها الطبيب بأنها تعاني من مرض مزمن في الصدر وامرني للذهاب لطبيب كبد وكانت المفاجأة عندما أخبرني بأنني اعاني من مرض الكبد .
وأكملت عايدة حديثها الدنيا اسودت في وشي وكنت بفكر في الثانيه الف مره ازاي اقول لـ زوجي اللي مستني رد طبيب الـ نساء طيب وكلام دكتور الصدر والكبد ويا تري هيكون رده عليا ايه لكنها أرادت أن تبوح له بالحقيقة كاملة.
واختتمت السيدة الحديث أنها بمجرد أخبار زوجها بما قاله الطبيب فوجئت برد قاسي من زوجها "وانا إيه اللي جابرني ازرع في أرض بور أنا مش بعلف أضحيه للعيد" ورمي عليا يمين الطلاق وقبل التلفظ باليمين قولتله سبني اعيش خدامه ولو عايز عيال تزوج بس سبني اعيش في مكاني لاني هو عارف اني مليش لا اخ ولا اخت وإن ابويا وامي متوفين وانا مقطوعة من شجرة لكنه رمي عليا اليمين ورماني في الشارع ومفتكرش يوم من ايام شغلي في البيوت .
الغريب كان احن عليا منه
اهل البلد شافوا ليا غرفه و أجروها ليا وعايشه فيها لكن والله مش مسامحه أبداً ليوم الدين.