«اهدى شوية».. رسالة نارية من إبراهيم سعيد لـ والد زيزو

أزاح إبراهيم سعيد نجم الكرة المصرية السابق، الستار عن تدخل والد أحمد مصفى زيزو لاعب الزمالك، في تجديد اللاعب أو رحيله عن القلعة البيضاء.

وكان والد زيزو قد قال في ظهور تلفزيوني، إن هناك عدد من المسؤولين داخل النادي يتعمدون تشويه صورة نجله.

وقال إبراهيم سعيد، خلال برنامجه على شاشة «النهار»: «تدخل والد زيزو كتير جدًا هيضر نجله، من ناحية تصريحات وكلام كتير، هتضر ابنك، ودي بقولها بخبرة السنين، ياريت تهدى شوية».

وأضاف: «جمهور الزمالك مل من أزمة تجديد زيزو، ياريت والد زيزو يوقف تصريحات شوية، ومتفتكرش لما تلعب بورقة رحيله للأهلي أو العروض الخارجية، هيكسبك، الناس شايفه المستوى اللي وصل له اللاعب».

وأكمل: «مجلس الإدارة مش فارق مع معاه تصريحات والد زيزو، لأنه عنده مشاكل كتير، وياريت زيزو يجبر الإدارة إنها تجددله بفضل مستواه وأداءه في الملعب وليس التصريحات».

وأردف: «موضوع انتقال زيزو لـ الأهلي صعب جدًا، وبقوله دايمًا اقطع الموضوع ده قاعد ولا ماشي عشان تعرف تركز في الملعب، ولو قرر الرحيل هيروح أحد الأندية العربية ومش بالمبلغ اللي هو طالبه، عشان ده كتير أوي على مستواه في الفترة الحالية».

وواصل: «زيزو لو قرر يمشي دلوقتي من نادي الزمالك هيروح فريق درجة تانية في الدوريات العربية، لازم الموضوع يتقفل وتجدد مع الزمالك بشروط النادي، عشان متخسرش نفسك».