عصام الحضري ينتقد جروس

يرى عصام الحضري حارس مرمى الأهلي ومنتخب مصر السابق، أن السويسري كريستيان جروس، المدير الفني للفريق الأول لكرة القدم بنادي الزمالك، يسير بخطى غير جيدة، مع الفارس الأبيض.

وقال الحضري، خلال تصريحات فضائية عبر شاشة «أون تايم سبورتس»: «وجهة نظري بتقول إن الزمالك مش أحسن حاجة مع جروس، الأندية اللي مسكها المدرب السويسري قبل ما يرجع الزمالك مش أكبر حاجة، وأنا شايف إن رجوعه للزمالك قرار خاطئ».

وتابع: «وجهة نظري إن الزمالك كان المفروض يتعاقد مع روجيرو ميكالي، ولو كان الزمالك خلص معاه كان هايعمل نتائج كويسة».

وزاد: «ميكالي قعد فترة في مصر كويسة، وعارف لاعيبة الدوري وعارف الأندية كلها، ولو كان محتاج تدعيمات كان هيقول على طول، زي إنه كان ممكن يقول بالاسم أنا عاوز محمود جهاد».