إبراهيم سعيد يفتح النار على زيزو: ”عضل فشنك منفوخ على الفاضي”

انتقد إبراهيم سعيد نجم الكرة المصرية السابق، أحمد مصطفى زيزو نجم نادي الزمالك، بسبب مستوى اللاعب خلال الموسم الجاري مع الفارس الأبيض.

وقال إبراهيم سعيد خلال برنامجه على شاشة «النهار»: «السنادي زيزو المعدل البدني وحش جدًا، تخيلوا الفورمة بتاعته دي ومش قادر يلتحم مع اللاعبين المنافسين، القوة بتاعته ضعيفة ورجليه مش شيلاه على الأرض».

وأضاف: «البنيان الجسماني «عضل فشنك» عضل منفوخ على الفاضي، أي حد بيلتحم معاه بيوقعه أو بيكسب الكورة منه».

وأكمل: «العضلات بتاعته دي ممكن تكون فوتوشوب عادي، ممكن أعملها على أي تطبيق بالموبايل، وممكن أعملهاكم بكرة، بس هي مش كدة خالص ولا بالصور على انستجرام والانستا، الكورة أداء في الملعب».

وأتم إبراهيم سعيد تصريحاته قائلًا: «مش قادر يجري في الملعب، وهو دلوقتي قدامه حلين الأول يجدد مع نادي الزمالك، والتاني مفيش حد هيدفع فيه فلوس لو قرر الرحيل».