«6 شهور ويمشي».. هجوم ناري من إبراهيم سعيد على نجم الأهلي

شن إبراهيم سعيد نجم الكرة المصرية السابق، هجومًا ناريًا على مصطفى العش لاعب الأهلي، مارسيل كولر المدير الفني للنادي الأهلي، بسبب أداء المارد الأحمر في مباراة بتروجت الأخيرة في الدوري.

وقال إبراهيم سعيد في تصريحات تليفزيونية على قناة النهار: «كولر عمل حاجة غريبة أنه نزل كريم نيدفيد وعنده أحمد رضا على الدكة، ومصطفى العش لسه بدري عليه أوي لازم يشتغل أكتر، وعمل باص في جول إمام أي حد يعمله».

وواصل: «بالمستوى ده مصطىفى العش يقعد الـ6 شهور ويمشي، وألش على خط الـ18 أكتر من باص وعنده تمريرات خاطئة كتير».

وأردف: «الأهلي بيلاعب بتروجيت بفرق خبرات كبيرة لصالح المارد الأحمر، لكن رغم كدة لو المباراة فيها 5 دقايق كمان كان ممكن الفريق البترولي يتعادل».

وأضاف: «في عناصر عندها مشكلة في الدفاع، محمد هاني على سبيل المثال معداش خط الدفاع لحد الدقيقة 60، ومفيش حد كان بارز غير إمام عاشور هو هداف الأهلي ونجم الفريق».

وأكمل: «الصفقتين اللي هيتقلو الأهلي هما جراديشار وأشرف بن شرقي، لكن الباقي عادي وأداءه محفوظ».