«كفاية».. إبراهيم سعيد يطالب نجم الأهلي بالرحيل

طالب إبراهيم سعيد نجم الكرة المصرية السابق، بضرورة رحيل عمرو السولية عن النادي الأهلي، بسبب أداءه مع المارد الأحمر في مباراة بتروجيت الماضية في الدوري.

وقال إبراهيم سعيد في تصريحات تليفزيونية على قناة النهار: «عمرو السولية كفاية، الأهلي مش هيقدر يعتمد عليه 90 دقيقة، هو استفاد من الأهلي بشكل كبير أوي ولكن كفاية».

وأضاف: «مش هينفع الأهلي يمشي بسياسة التكريم مع عمرو السولية عشان كدة الموضوع هيكون صعب، مفروض الفترة الجاية نشوف عمر الساعي بشكل أكبر، ويدي أحمد رضا على فترات عشان يخش في ريتم المباريات».