«اللي بيحصل ده كارثة».. شوبير يسخر من التحكيم بعد هدف المحلة أمام فاركو

شن الإعلامي أحمد شوبير حارس مرمى الأهلي ومنتخب مصر السابق هجوما عنيفا على التحكيم بعد الهدف المثير للجدل الذي سجله فريق غزل المحلة في مرمى فاركو أمس.

وقال أحمد شوبير: «كنت أشاهد مباراة غزل المحلة وفاركو، والمحلة سجل التعادل فحامل الراية رفع تسلل فالحكم ميدو سلامة ألغى الهدف فقام حاكم الفيديو قال استنى، فضل قد أيه بقى يشوف اللعبة، دقيقتين ونصف وبعدين في الاخر قال له اوفسايد يا ميدو، وفجاءة حكم الفار محمد نهاد، رجع قال تسلل استنى تاني، أتاري مساعد الفار قال له ده هدف، قال له بنراجع تاني وفي الاخر اتحسبت هدف اه والله يا مؤمن».

وتابع شوبير: «طيب لو الأمر ده حدث في مباراة بين الأهلي وبيراميدز أو الأهلي والزمالك أو الأهلي والإسماعيلي أو في أي مباراة جماهيرية، لكن هنا عشان المحلة وفاركو غلابة، عدت ومحدش خد باله أصلا هذه كارثة بمعنى كلمة كارثة، هيطلع واحد يقول لك هو يصحح خطاءه أحسن يا كابتن شوبير ولا يظلم فريق».

وأضاف شوبير ساخرًا: «أنا بقترح نخلي الفار بنظام وردة ونفضل نقطفها جون لا مش جون تسلل لا مش تسلل، حادي بادي كرنب زبادي سيدي محمد البغدادي، ده مش تحكيم اللي حصل ده ملوش علاقة بالتحكيم يا إما تحط واحد مؤهل يا إما بلاش، كفاية بقى حاجة عجية جدا وأنا الحقيقة مندهش من اللي بيحصل».