شوبير يكشف حقيقة عرض المليون دولار لضم السعيد من الزمالك

كشف الإعلامي أحمد شوبير حارس مرمى الأهلي ومنتخب مصر السابق حقيقة ما يتردد عن عرض بمليون دولار من أحد الأندية العربية من أجل ضم عبدالله السعيد من نادي الزمالك.

وقال أحمد شوبير في تصريحات إذاعية اليوم الأحد: «بصوا يا جماعة عشان بس ما يتقالش كلام وخلاص عشان بيترمي كلام ونصدقه».

وأوضح أحمد شوبير: «الزمالك عايز يجدد عقد عبدالله السعيد وهيكون الموسم الأخير للاعب، بس يا جماعة محدش يقول بعد إذنكم مليون دولار أنا عارف الأسعار كويس قوي، وهذا الكلام غير صحيح على الإطلاق».

وتابع شوبير: «عبدالله السعيد عنده عرض ممكن يكون عنده عرض، وعبدالله لاعيب هايل وبشيد بيه هنا علطول أنا ماليش دعوة عنده 40 سنة أو 39 لكن مفيش عرض بمليون دولار لا من ليبيا ولا العراق ولا الخليج ولا غيره».

وأضاف شوبير: «اتخن عرض ممكن يجي لعبدالله السعيد هيكون بـ 400 ألف دولار أو 500 ألف ده لو جت له عروض عشان بس تبقى القصة واضحة».