«لو بيمارسوا الفن مكانوش عملوا كده».. نورهان تعلق على واقعة طالبات مدرسة التجمع

علقت الفنانة نورهان شعيب على المشاجرة التي وقعت بين طالبات بمدرسة دولية بمنطقة التجمع الخامس، وأدت إلى كسر أنف طالبة وانتشر مقطع فيديو للمشاجرة على مواقع التواصل الاجتماعي بشكل كبير.

وقالت نورهان خلال مقطع فيديو نشرته عبر حسابها على إنستجرام: الولاد دول لو كانوا بيمارسوا الفن مكانوش هيعملوا ده، وده مش كلام مثالي ولا كلام كتب ده كلام أنا والفريق اللي معايا بنشوفه كل يوم.

وتابعت: الأطفال والولاد اللي بيمارسوا الفن سواء التمثيل أو الغناء أو الرسم أو التعبير الحركي كل ده بيشكل لهم متنفسا لمشاعرهم وبيخليهم بعد ما يخرجوا من 4 ساعات بروفة كل يوم عندهم تصالح وسلام نفسي مع المجتمع والآخر والقواعد اللي هما متمردين عليها بطبيعة السن ومع فكرة إني هعرف ردود أفعالي من غير تجاوز لأن جوهر التمثيل هو إنك تتحكم في مشاعرك وتضبط ردود أفعالك على قد الموقف.

آخر أعمال نورهان الفنية

شاركت الفنانة نورهان في الموسم الرمضاني 2022 بمسلسل “يوتيرن” مع كل من، ريهام حجاج، عبير صبري، كريم قاسم، توفيق عبدالحميد، صفاء الطوخي، وآخرين من تأليف أيمن سلامة ومن إخراج سامح عبدالعزيز.