«هاجمني دون سبب»... نجم الزمالك السابق يكشف أسرار أزمته مع رضا عبدالعال

أزاح إبراهيم صلاح، نجم الزمالك السابق، الستار عن سبب انتقاد رضا عبدالعال نجم الكرة السابق له، مشيرًا إلى رضا قام بسلخه بدون سبب.

وقال إبراهيم صلاح في تصريح تليفزيوني عبر شاشة «dmc»: «في 2017 الزمالك خسر من سموحة 2-0 وأنا مكنتش بلعب، تاني يوم الصبح لقيته ماسكني سلخ في الراديو».

وأضاف: «حاولت أعمل مداخلة في الراديو ساعتها ولكن مينفعش، ولقيت رضا عبدالعال بيقول نفس الكلام إني سبب الخسارة وبيتكلم على مستوايا في المباراة وأنا ملعبتش أساسًا، ساعتها رديت جامد في الحلقة».

وأكمل: «دي طريقته دايمًا يعني وقتها كان دايمًا ينتقد طارق حامد، ومعروف يوسف، ودلوقتي بينتقد عمر مرموش اللي هو حديث العالم».

وأردف: «انا الموضوع بالنسبالي عايزة ينتقدني فنيًا، مش يطلع يقول مبعرفش يجري ولا يمشي وحاجات أنا مش بفهمها، أنا عايزة ينتقدني مفيش مشكلة بس كورة».