بسمة بوسيل تطرح أغنية ”لأ ثواني”

طرحت الفنانة بسمة بوسيل عبر قناتها في موقع يوتيوب أحدث أعمالها الغنائية "لأ ثواني".

وأغنية "لأ ثواني" من كلمات عليم، ألحان محمد خلف، وتوزيع محمد العشري، وتقول كلماتها:

لأ ثوانى .. كل دا ومش شايف إنّى معاك بعانى؟
كنت ممكن اقولّك ايه ؟.. ولّا ليه ؟
ما انت ماتحطّتش مرّه في يوم مكانى

انتظارك .. وانّى استنّى انّى اسمع اعتذارك
كان في منتهى الغباء .. ابتلاء
حُطّ انّى فوقت منّه في اعتبارك

أيوا بعلن انسحابى من انتمائى للى باقى
من مشاعرى في يوم تجاهك
أيوا مش فارق معايا تكون معايا
مش هقضّى عمرى أشدّ في انتباهك

لازم ابدأ انّى انسى حاجه حاجه وكل حاجه
كانت بتاخد من أمانى
كل ما ابعد عن حياتك كل ما انسى ذكرياتك
كل ما رجعلى اتّزانى

انتصاره .. إنّه ينساك قلبى بيه رَدّ اعتباره
آه ضِعِف طبعاً في يوم .. ع العموم
هوّه قِوِى دلوقتى بقا سيّد قراره
لأ حذارى .. لو هتيجى تقولّى نرجع مش هدارى
انسى موضوع السماح .. مش مُتاح
وانّى افكّر فيه ف دا قرار انتحارى

وكانت بسمة بوسيل كشفت عن أغنية جديدة تستعد لطرحها، وشوقت الجمهور لها وقالت: "صحيت مبسوطة الحمد لله فحبيت انكد عليكو بأغنيتي الجديدة اللي هتنزل يوم 15 يناير أغنية كلاسيكية راقية جدا تحسوا كده إنها بتعبر عن صرخة أنثى، "لأ ثواني" هتبقى إن شاء الله رائعة من روائع الزمن المهبب اللي إحنا فيه ده".