«لازم يمشي».. رد مفاجئ من نجم الزمالك السابق على مستوى كولر مع الأهلي

علق محمود فتح الله نجم نادي الزمالك السابق، على مستوى السويسري مارسيل كولر المدير الفني للنادي الأهلي مع الفريق خلال الفترة الماضية، في المباريات المحلية والقارية

وقال فتح الله في تصريح تليفزيوني عبر شاشة «إم بي سي مصر»: «الأهلي منظومة كبيرة ولديه إمكانيات تخلي أي مدرب يمسك الفريق ياخد نفس البطولات اللي حققها كولر، ولكن بشوف أن في نقط نقصاه كتير».

وأضاف: «في مشاكل كتير معاه بالنسبة لـ طريقة تعامله مع اللعيبه، وكمان لاعبي الأهلي ده مش أحسن مستوى ليهم لو جبناهم كأسامي فرد فرد هنلاقي أن لعيبة الأهلي عندهم أمكانيات أكبر من كدة».

وأكمل: «يمكن اللعيب الوحيد اللي مستواه مقنع مع الأهلي وفي ثبات خلال فترة كولر، هو وسام أبو علي مع أنه بقاله 6 شهور فقط، الباقي كله مستواه ليس مقنع بالنسبة لمستواياتهم مع المدربين السابقين».

وأتم فتح الله تصريحاته قائلًا: «من وجهة نظري، أتمنى أن الأهلي زي ما بيدور على لعيبه في مستوايات كبيرة عشان كأس العالم للأندية 2025، لازم بردوا يدوروا على مدرب بدلًا من كولر».