«كان سري ليه هي الحاجات دي فيها شماتة».. شوبير ينتقد افتتاح متحف نادي الزمالك

أزاح الإعلامي أحمد شوبير حارس مرمى الأهلي ومنتخب مصر السابق لستار منتقدًا عدم توجيه الدعوة لوسائل الإعلام لحضور حفل افتتاح متحف نادي الزمالك الجديد، وكذلك عدم توجيه الدعوة لنجوم القلعة البيضاء التاريخيين للمشاركة في مقتنيات المتحف.

وقال أحمد شوبير: «نتوقف مع حدث مهم جدا في نادي الزمالك حصل إمبارح، كان حدث هايل بس مش عارف ليه نادي الزمالك عمل الموضوع بشكل سري، والحقيقة هاني بيرزي عضو مجلس الإدارة أقام المتحف على نفقته الخاصة مثلما جدد من قبل غرف ملابس اللاعبين».

وتابع شوبير: «كان لازم الإعلام يتواجد والقنوات تخش تصور مستغرب ليه لم يتم توجيه الدعوة للإعلاميين، يا جماعة هي الحاجات دي فيها شماتة اللي عايز يطلع يحفل ما يطلع، أنا الحقيقة مستغرب جدًا».

وأوضح شوبير: «كابتن حسين لبيب برضه قال أي لاعب من لاعبي نادي الزمالك عنده حاجة عايز يحطها في المتحف يحطها ده متحف لنا كلنا، يا كابتن لبيب كان المفروض تبعت الرسالة دي للاعيبة من قبلها تقول مثلا ده التي شيرت التاريخي لحسن شحاتة دي جزمة طه بصري ده جوانتي عادل المأمور ودي جزمة الكورة بتاعته مش عارف مين اللي خدنا بيها بطولة كذا كل ده يبقى جميل ليه ما رتبناش من قبل الافتتاح، وكان لازم كل النجوم يكونوا موجودين يا كابتن لبيب هو أنا عندي مين أغلي من حسن شحاتة من فاروق جعفر من أسرة الراحل طه بصري».