أحمد شوبير : لو بلعب حاليا هكون أعلى قيمة تسويقية في الأهلي

أكد الإعلامي أحمد شوبير، أنه حال وجودة في الملاعب خلال الفترة الحالية سيكون أعلى قيمة تسويقية، قائلا: "لو أحمد شوبير بيلعب دلوقتي قيمته التسويقية كان هيبقى غالي زي أعلى واحد في الأهلي حاليا ومعرفش الأرقام كام، لكن لو أعلى واحد بياخد 15 مليون هكون زيه مثلا".

وأضاف أحمد شوبير، خلال حواره ببرنامج "حبر سري"، مع الاعلامية أسما ابراهيم، المذاع على قناة القاهرة والناس، أنهم أول ما طبقوا نظام الاحتراف في مصر كان سنة 1990 بعد كأس العالم ولم يكونوا يعرفوا النظام وقتها، مشيرا إلى أن الكابتن حسن حمدي جمع كبار اللاعبين في الأهلي وقتها وقال لهم أنتم الكبار وقالنا هعمل لكم أعلى فئة".

وتابع: "كان عملنا 20 ألف جنيه في 3 سنين يعنى 7 آلاف جنيه للاعب في السنة والأرقام كانت صغيرة ولما اعتزلت كنت أعلى قيمة وكنت بحصل على 150 ألف جنيه وكان سنة 1997".