«سريع الإنفعال».. شوبير يكشف كواليس خلافه مع مجدي عبد الغني

كشف الإعلامي أحمد شوبير، كواليس خلافه مع مجدي عبدالغني نجم الأهلي السابق، بسبب تصريحاته بعدم وجود قائمة لـ «عبدالغني» في انتخابات اتحاد الكرة.

وقال شوبير في تصريحات تليفزيونية ببرنامج حبر سري المذاع على قناة «القاهرة والناس»: «أنا بطبيعتي مش بحب أعادي حد، ولكن استغربت مجدي عبدالغني جدًا، أنا كنت أحد أسباب أنه نجاحه ويبقى موجود في اتحاد الكرة، وفؤجت برد فعله وهجومه عليا».

وأضاف: «الموضوع أني كنت كلمت مجدي وقولتله قايمتك مين في انتخابات اتحاد الكرة وقالي مجموعة من الأسماء، فكان ردي أن الناس مش هتدخل ممكن الزميلة سماح عمار فقط لكن الباقي لن يخوض غمار الانتخابات، لأني عارفهم وكلمتهم كلهم واحد ورا التاني وقالولي مش هندخل».

وأكمل: «النتيجة كانت في الأخير أن فعلا الأسماء دي مترشحتش، ومكنتش في صف حد أنا أعلنت قائمة هاني أبو ريدة عشان كانت اتكونت واتفق على الأسماء، فكنت حابب أعمل معاه نفس الشيء لا أكثر ولا أقل».

وأردف شوبير: «لحد دلوقتي مش عارف هو ليه هاجمني، ومش هكلمه خلاص، أنا بادرت وكلمته، الطبيعي أنه كان يكلمني يقولي أنا كنت منفعل حقك عليا».

«أنا بقيت مستغرب، أنا كنت عايز أعرف قايمته للناس زيه زي المنافس، وقولتله هعمله حلقة كاملة، بس مجدي ساعات ناس بتقنعه بحاجات وهو سريع الإنفعال».