تامر حسين ينهي خلاف رامي صبري وويجز.. ورامي يعلق: ده أخويا الصغير وانا مسامحه

علق الملحن والشاعر تامر حسين عن الخلاف الذى حصل بين الفنان رامي صبري ومطرب الراب ويجز بشأن حديث رامي عن عدم فهمه لأغاني ويجز.

نشر تامر حسين، عبر صفحته على موقع التواصل الاجتماعي الفيسبوك، قائلا: شهادتي فيك مجروحة، أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنه عندك هيت ناجح ومكسر الدنيا ولسه شايف ترتيب أنغامي أنت رقم 2 ف الاستماع بعد الهضبة البوم مكانك وفى الصدارة.

وتابع: تصريح مش موفق مِن ويجز رغم أنى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط، إنما الأرقام اللي قالها مش أرقامك ولا الطريقة مُناسبه وأنت الكبير يا روما.

وأختتم: ويجز لو يعرف أنت اول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دى شهادة حق والله.

ليرد رامي على مبادرة تامر حسين ويعلق عبر صفحته الشخصية على فيسبوك قائلا : "حبيبي تامر حسين الشاعر الكبير العظيم شكرا علي كلامك الجميل اللي زيك" مضيفا :«ويجز أخويا الصغير وأنا مسامحه وحصل خير».