«أنت مبتدربش ناشئين».. تعليق مثير من وائل القباني على قرار كولر ضد لاعبي الأهلي

علق وائل القباني، نجم نادي الزمالك السابق، على قرار السويسري مارسيل كولر المدير الفني للنادي الأهلي، بشأن أخذ لاعبي الأهلي إلى تدريب بعد التعادل مع الاتحاد السكندري بالدوري المصري.

وقال القباني في تصريح تليفزيوني عبر شاشة «النهار»: «لو كولر بيعمل كدة بعد كل مباراة فانا معاه لأنه هيكون سيستم هو ماشي عليه، ولكن لو القرار ده اتاخد كنوع من أنواع العقاب بسبب التعادل فانت مبتدربش ناشئين».

وأضاف: «كولر مش مدرب قليل والكلام ملوش علاقة بالفنيات، أنا بتكلم على أسلوب عقاب، ومش أسلوب احتراف أني أعاقب لاعيب أنه يتمرن بعد المباراة عشان خسرت ماتش».

وأتم وائل القباني تصريحاته قائلًا: «كان ممكن يكون العقاب بخصم مبلغ مالي أو أي شيء آخر، ولكن النظام أو القرار ده لو صحيح يبقى اسمه تكدير».