رامي صبري: مقدرش ألبس ”حلق” بخاف من الجمهور وبحترمه

خلال لقائه في برنامج "حبر سري" مع أسما إبراهيم عبر قناة "القاهرة والناس":قال الفنان رامي صبري عن رأيه في ظهور بعض الفنانين الرجال بملابس شفافة أو يرتدون حلق، وتصدرهم التريند بهذه الإطلالات.

وتابع رامي صبري: التريند مش بيشغلني، في حاجات مقدرش ألبسها، أنا بخاف من الجمهور وبحترمه سواء في الكلام وأنا بكتب الأغنية أو في اللبس، أنا معرفش أعمل كده وأنا بشتغل ببقى شايف الجمهور قدامي الأم والبنت،الحتة دي مهمة عندي من زمان في خطوط عندي مقدرش أتعداها".

واضاف رامي صبري: "في حاجات أنا مش بعرف أعملها، أنا مش معترض عليها اللي عايز يلبس حاجة أو يعمل أي حاجة يعملها كل شخص من حقة يعمل أي حاجة وأنا من حقي أرفض الحاجة دي أو أعملها أنا بهتم بـ ست البيت والبنات أنهم يشوفوني بشكل محترم إني أخلي بالي من لبسي والأغاني، في أغاني كتير بتجيلي جريئة وبيبقى نفسي أعملها بسبب كلمة أو جملة مبعرفش أعملها".